Bashkimi dhe Peja sot zhvillojnë duelin e shtyer nga dita e djeshme

Prishtinë(AsistiOnline) – Sot luhet dueli i shtyer nga dita e djeshme në elitën e basketbollit kosovar.

Bëhet fjalë për sfidën mes Bashkimit e Pejës, që ishte e paraparë të luhet dje, por u shtye për shkak se ekipi mysafir nuk pranoi të luante për shkak të të ftohtit në sallë.

Deri tani, prizrenasit kanë tetë fitore e 11 humbje, ndërsa pejanët 13 fitore e gjashtë humbje e sonte pritet rivalitet i madh për fitore.

Kjo ndeshje fillon nga ora 17:00 dhe transmetohet direkt në (Art)Sport1 në të gjitha platformat televizive vendore etj.