Ponte Prizreni arrin fitore të thellë ndaj Borës në sfidën e parë të ”play out”-it

Prishtinë(AsistiOnline) – Ponte Prizreni e ka fituar duelin e parë të ”play out”-it ndaj Borës.

Skuadra prizrenase e mposht atë prishtinase me diferencë të thellë 86-123 dhe kështu i afrohet qëndrimit në Superligën e Kosovës.

Pjesa e parë e ndeshjes ishte pak më e ngushtë (54-60), derisa në të dytën mysafirët e dominuan krejtësisht lojën për të arritur fitore të merituar.

Komplet pesëshja e parë e Ponte Prizrenit sonte realizoi pikë dyshifrore, Adam Grant (32), Muhamedali Janjeva (29), Wayne Arnold (22), Urim Zenelaj (21), Meriton Ismaili (19).

Te Bora, Olsi Kurtaj kishte 20 pikë e Leonard Mekaj shtoi 17 sosh.

Ndeshja e dytë zhvillohet në Prizren dhe ekipi që arrin koshaverazh më të mirë nga të dyja takimet, vazhdon qëndrimin/inkuadrohet në Superligë.

/AsistiOnline.com/