Sonte përballja e dytë e finales, Ylli e pret Trepçën në Therandë

Prishtinë(AsistiOnline) – Sonte zhvillohet përballja e dytë e serisë finale të play off-it në basketbollin kosovar.

Ylli i Therandës e pret në ”13 Qershori” skuadrën e Trepçës me të cilën po luftojnë për titull kampioni.

Në ndeshjen e parë triumfoi ekipi i Trepës, duke mposhtur therandasit në ”Minatori” me rezultat 77-68.

Therandasit synojnë fitoren për të barazuar serinë finale në 1:1, derisa ‘Xehetarët’ për fitore e 0:2, që do t’i afronte më shumë drejt titullit të kampionit.

Ndeshja fillon nga ora 17:00 dhe transmetohet direkt në Artsport1 e Klan Kosova në të gjitha platformat televizive.

Mitrovicasit ishin liderë në garat e rregullta me 25 fitore e tri humbje, derisa therandasit në vendin e tretë me 19 fitore e nëntë humbje, aq sa kishte edhe Peja e dyta.

Sivjet në të gjitha garat dy ekipet janë përballur gjashtë herë, ku katër fitore i kanë takuar mitrovicasve e dy të tjera therandasve.

E diel

17:00 Golden Eagle Ylli – Trepça