PONTE PRIZRENI LËSHON KOMUNIKATË PËR MEDIA, PAS INCIDENTIT NË NDESHJEN ME PEJËN
Prishtinë(AsistiOnline) – Pas incidentit në duelin e pestë gjysmëfinal, Ponte Prizreni – Peja, skuadra organizatore e ndeshjes, Ponte Prizreni ka dalur me komunikatë zyrtare për media.
Më poshtë ju sjellim komunikatën e plotë dhe pa ndërhyrje të klubit prizrenas.
”Ngjarje jo e këndshme në ndeshjen e 5 të gjysëmfinales së playoffit.
Fund qerekut të dytë ish reprezentuesi Polak, gjatë gjithë kohës duke provokuar dhe ofenduar në mënyrën më të rënd jo vetëm bankën por edhe gjyqtarin Mumini i cili nuk pat autoritet që ta jep edhe teknikën e dytë, si pasojë e kësaj lojtarët Pejanë konkretisht Brandon Walters sulmoi lojtarin Leurit Morina (të mitur) 17 vjeq.
Kjo erdhi në saje të neglizhencës të Komesarit garave Faton Kurshumliu i cili me delegim katastrofik
të gjyqtarëve e solli fatin deri te përleshja.
Të lënduarit kanë hapur rast dhe kanë marrë trajtimin nga emergjenca dhe është hapur rasti në polici.
Kryesia e klubit tani do merr vendim për hapat e mëtutjeshëm”, mbyllet komunikata e klubit nga Prizreni.
Komentet janë të mbyllura.