MBYLLET XHIRO E PARË, REZULTATE MJAFTË INTERESANTE NË ART MOTION SUPERLIGË

Prishtinë(AsistiOnline) – Është mbyllur xhiro e parë e stinorit të ri në Art Motion Superligën e Kosovës në Basketboll.

Rezultate shumë interesante e disa nga to edhe befasuese, janë arritur në këtë javë hapëse.

Në duelin hapës të stinorit, Sigal Prishtina e mposhti pa ndonjë telashe dhe me rezultat të thellë Dritën që sivjet u rikthye në elitë 56-124.

Derisa në Mitrovicë në kryendeshjen e javës, Trepça arriti fitore me shumë telashe ndaj Yllit në “Minatori” 72-69.

Duel interesant dhe me lojë të barabartë ishte edhe ai mes Prizrenit 16 dhe Rahovecit, këtu triumfoi skuadra e Prizrenit 106-96.

Dhe në sfidën e fundit e zhvilluar dje, Peja mposhti Bashkimin më lehtë se që ishte pritur 86-51.

Pas xhiros së parë, Sigal Prishtina i prin renditjes tabelare e pasuar nga Peja, Prizreni16 dhe Trepça, derisa pjesën e dytë të tabelës e mbyllin, Ylli, Rahoveci, Bashkimi dhe Drita.

Xhiro e dytë e Superligës luhet në fundjavë.

/AsistiOnline.com/