SKUADRAT FAVORITE E NISËN MBARË EDICIONIN E RI NË SUPERLIGËN E FEMRAVE

Prishtinë(AsistiOnline) – Sot është zhvilluar xhiro e parë e stinorit të ri në Superligën e Kosovës te femrat.

Ashtu siç ishte pritur skuadrat favorite kanë arritur fitore dhe nuk ka pasur befasi.

Kampionja aktuale, Penza ka triumfuar në udhëtim te Trepça 53-88, derisa dy individet më të dalluara ishin, Briana Williams me 26 pikë e Valbona Bytyqi me 15 sosh.

Në anën tjetër, fitore në xhiron e parë arriti edhe nën-kampioni Bashkimi që triumfoi ndaj Vëllaznimit lehtësisht dhe thellë 38-91. Chervelle Tequana Cox me 23 pikë e 18 kërcime, ishte lojtarja më e dalluar në këtë fitore të prizrenaseve.

Fitore në xhiron hapëse arriti edhe Prishtina që mposhti me lehtësi Kastriotin e Ferizajit 70-20. Me Dona Bytyqin me 17 pikë dhe Merisa Billallin me 13 sosh që spikatën në këtë fitore të tyre.

Në xhiron e rradhës ndeshen:

Kastrioti – Bashkimi.

Penza – Vëllaznimi.

Prishtina – Trepça.

/AsistiOnline.com/