SONTE DUELI I DY SKUADRAVE QË PO KËRKOJNË ”PLAY OFF”-IN

Prishtinë(AsistiOnline) – Një duel i zjarrtë zhvillohet sonte në kuadër të xhiros 18 në ArtMotion Superligë.

Dy skuadrat që sipas të gjitha gjasave do të luftojnë me njëra tjetrën deri në fund të stinorit të rregullt për një vend në ”play off”, Rahoveci dhe Bashkimi ndeshen sonte në ”Mizahir Isma”.

Deri tani, ‘Vreshtarët’ kanë katër fitore dhe 11 humbje, ndërsa prizrenasit tetë fitore dhe nëntë humbje. Fitorja është tepër e rëndësishme për të dy skuadrat, andaj pritet një përballje shumë interesante.

Sfida fillon nga ora 19:00 dhe do të transmetohet direkt në Platformën ArtMotion, konkretisht në KSport 1.

Si zakonisht të rejat para dhe pas ndeshjes, pesëshet startuese, rezultatin, por edhe raportin final të sfidës do të mund ti gjeni në portalin e vetëm në shqiptari, dedikuar ekskluzivisht basketbollit, AsistiOnline.com

/AsistiOnline.com/