DERBI I PARË I DITËS SOT LUHET NË THERANDË

Prishtinë(AsistiOnline) – Dueli i parë i ditës së sotme në ArtMotion Superligën e Kosovës zhvillohet në Therandë.

Golden Eagle Ylli në ”13 Qershori” i bën konakun skuadrës fqinje, Prizreni 16.

Këto dy ekipe u sfiduan në Ligën Unike në mesjavë, ku fituan therandasit 68:95. Skuadra nga Theranda në elitën e basketbollit është lider me 18 fitore e pesë humbje, kurse prizrenasit kanë 13 fitore e dhjetë humbje.

Sfida fillon nga ora 17:00 dhe transmetohet direkt në ArtSport 1 dhe Klan Kosova.

Si zakonisht të rejat para dhe pas ndeshjes, pesëshet startuese, rezultatin, por edhe raportin final të sfidës do të mund ti gjeni në portalin e vetëm në shqiptari, dedikuar ekskluzivisht basketbollit, AsistiOnline.com

/AsistiOnline.com/