ANTHONY ADGER ZËVENDËSON KNOWLES TE VËLLAZNIMI

Prishtinë(AsistiOnline) – Anthony Adger është përforcimi i fundit i huaj i Vëllaznimit për stinorin që fillo gjatë kësaj jave në basketbollin e Kosovës.

Amerikani që luan në pozitën e plejmejkerit dhe vije si zëvendësim i Preston Knowles që u largua ditë më parë, është emër i njohur për basketbollin e Kosovës.

Adger është i gjatë 185 centimetra dhe luan në pozitat 1/2 dhe te gjakovarët vije pas performancës së stinorit të kaluar në Bosnje me ekipin elitar ”Promo” ku luajti me mesatare prej 9.4 pikëve, 3.7 asisteve e 2.6 kërcimeve.

Ai në të kaluarën ka luajtur edhe në Qipro e Finlandë, gjersa me skuadrën kosovare të Yllit ishte paraqitur në vitin pandemik me 15.4 pikë, 4.8 asiste e 2.4 kërcime për ndeshje.

/AsistiOnline.com/