Peja triumfoi thellë ndaj P.C Prizrenit

Në Gjakovë, Peja ka shënuar fitore ndaj Proton Cable Prizrenit me rezultat 101:69 (24:22, 29:14, 20:23, 28:10), në javën e 23-të të Prince Caffe Superligës.

Në fakt, periudha e parë dhe e tretë ishin të barabartë, por dallimi i madh u bë në periodën e dytë, që përfundoi 29:14, derisa kampionët e Kosovës në dhjetë minutat e fundit ngritën epërsinë, për të triumfuar 101:69.

Te pejanët u dalluan Justin Davis me 21 pikë e gjashtë kërcime dhe Arian Qallaku me 16 pikë e pesë kërcime, kurse te prizrenasit Isaiah Kelly me 14 pikë e 13 kërcime dhe Arti Hajdari me 14 pikë e Ty Cockfield me 15.

Peja ka 17 fitore e gjashtë humbje, derisa Proton Cable Prizreni numëron shtatë fitore e 16 humbje.