Gjysmëfinalet e “play-off”-it vazhdojnë sonte me super përballjen ndërmjet Trepçës dhe Pejës.
Pas dy ndeshjeve të para, seria është e barabartë 1-1, duke e bërë këtë duel vendimtar për rrjedhën e mëtejme të garës. Fitorja në këtë takim do ta afronte njërën nga skuadrat shumë pranë finales së madhe.
Ndeshja zhvillohet sonte me fillim nga ora 19:30 dhe do të transmetohet drejtpërdrejt në Artmotion.
Duke parë rivalitetin e madh dhe rëndësinë e sfidës, pritet një ndeshje me intensitet të lartë dhe atmosferë e zjarrtë në tribuna. /AsistiOnline.com/
