SHUMË BEFASI NË EUROLIGË, NË VEÇANTI HUMBJET E FENERIT DHE CSKA-SË

Prishtinë(AsistiOnline) – Me shumë befasi është mbyllur sonte, xhiro e 4-të e stinorit të ri në Euroligë.

Qysh në ndeshjen e parë të mbrëmjes, Alba e Berlinit mposhti në udhëtim, favoriten apsolute para nisjes së përballjes, CSKA-në e Moskës me rezultat, 88-93.

Ndërsa humbje të befasishme në mes të Stambollit, ka pësuar edhe Fenerbahçe që u mposht nga Bayerni me rezultat të ngushtë, 71-75.

Fitore të ngushtë si vendas, ka realizuar Olimpiakosi që ka mposhtur Maccabi Tel Avivin me shifrat, 85-82.

Real Madridi ka vazhduar me super-formën e dobët këtë stinor, duke pësuar në Milano nga Olimpia me rezultat të përgjithshëm, 78-70.

Dhe në ndeshjen e fundit të xhiros, Baskonia si vendase ka mposhtur Khimkin e Moskës, 77-60.

Pas kësaj xhiro’je, tabelës i prinë skuadra lituaneze, Zalgiris Kaunas që mbetet i vetmi ekip pa humbje në këtë garë, pasuar nga Valencia, Bayerni, Olimpiakosi, Milano, Barcelona, Baskonia, Fenerbahçe etj.

/AsistiOnline.com/