PEJA ME EDHE NJË TRANSFER BOMBASTIK

Prishtinë(AsistiOnline) – Skuadra e Pejës pas humbjes së sontme nga Rahoveci e ka zyrtarizuar edhe përforcimin e dytë për ekipin që do të kërkojë këndelljen në xhirot e ardhshme.

Pejanët kanë njoftuar sonte, se kanë arritur marrëveshje bashkëpunimi me qendrën amerikane, Brandon Walters i gjatë 208cm dhe i cili luan në pozitën qendër.

Walters në sezonin e kaluar ka shkëlqyer tek ekipi ”Kataja” që bën gara në Superligën e Finlandës dhe në FIBA Europe Cup e me të cilët kishte mesatare, 16.8 pikë dhe 5.8 kërcime për ndeshje.

Vlen të ceket se përpos Finlandës, basketbollisti në fjalë ka përvojë edhe në ligat e shteteve si: Poloni, Argjentinë dhe SHBA nga e ka prejardhjen.

Brandon arrin pasnesër në qytetin e Pejës dhe do jetë i gatshëm që ti bashkohet ekipit pejan shumë shpejtë.