ZYRTARIZOHET MARRËVESHJA, LIGA ELITARE EMËROHET – ART MOTION SUPERLIGA E KOSOVËS

Prishtinë(AsistiOnline) – Sot edhe zyrtarisht është nënshkruar marrëveshja mes Federatës së Basketbollit të Kosovës dhe Platformës televizive numër një në vend, Artmotion.

Kjo marrëveshje ka të bëjë me emërimin e ri të Superligës së Kosovës e cila sivjet do të quhet, Art Motion Superliga e Kosovës në Basketboll.

Marrëveshjen mes FBK-së dhe Art Motion e nënshkruan, presidenti i shtëpisë së basketbollit të Kosovës, Arben Fetahu dhe drejtori i Platformës Art Motion, Alaudin Hamiti.

Të dyja palët u shfaqën mjaftë të kënaqura me nënshkrimin e marrëveshjes, derisa u zotuan për ngritjen e cilësisë së basketbollit kosovar në të gjitha dimensionet.

Të kujtojmë se ditë më parë bordi i FBK-së vendosi që Superliga e Kosovës në edicionin 2021/22 të ketë emërtimin ART MOTION Superliga.

Edicioni i sivjetmë në basketbollin e Kosovës fillon sot me duelin, Drita-Prishtina që luhet nga ora 19:00.

/AsistiOnline.com/