DERBI I RIVALËVE TË VJETËR MBYLL XHIRON E PARË TË ARTMOTION SUPERLIGËS

Prishtinë(AsistiOnline) – Me derbin e rivalëve të vjetër mbyllet sot xhiro e parë e Art Motion Superligës së Kosovës për edicionin e ri.

Peja dhe Bashkimi do të takohen sonte në ”Karagaç” për të nisur edicionin e ri i cili pritet të jetë shumë interesant.

Të dyja ekipet kanë kryer një mori transferesh në merkaton verore dhe mbetet të shihet se cili ekip do të triumfojë sonte.

Kjo sfidë luhet sot nga ora 19:00 dhe transmetohet direkt në Platformën ArtMotion.

Si zakonisht më të rejat para ndeshjeve, rezultatin për çdo çerek, por edhe raportet e ndeshjeve do të mund ti gjeni në portalin e vetëm në shqiptari, dedikuar ekskluzivisht basketbollit, AsistiOnline.com

Takimet në elitën e basketbollit do të zhvillohen pa shikues dhe me masa strikte, për shkak të pandemisë me Covid 19.

/AsistiOnline.com/