SONTE FINALJA E MADHE E SUPERKUPËS MBARËKOMBËTARE

Prishtinë(AsistiOnline) – Sonte zhvillohet finalja e madhe e Superkupës Mbarëkombëtare.

Fati ka dashur që në finalen shqiptare të takhen dy skuadra kosovare, kampioni aktual i Ligës Unike dhe i Ligës së Kosovës, Golden Eagle Ylli dhe Sigal Prishtina që aktualisht është fituese e Kupës së Kosovës.

Skuadra nga Theranda në gjysmëfinale kishte mundur Teutën nga Durrësi, kurse prishtinasit mposhtën Vllazninë e Shkodrës.

Kjo është hera e parë që organizohet Superkupa Mbarëkombëtare nga Liga Unike, e ndihmuar nga Federata e Basketbollit e Kosovës dhe Federata Shqiptare e Basketbollit.

Ditë më parë u organizua Superkupa Mbarëkombëtare e femrave në Vlorë. Në mesjavë do të fillojë Liga Unike në konkurrencën e femrave, kurse në fundjavën e ardhshme do të fillojë Liga Unike në konkurrencën e meshkujve.

Përballja e sontme mes Yllit dhe Prishtinës luhet nga ora 19:00 dhe transmetohet direkt në njërën nga kanalet e sportit në ArtMotion e të rejat para ndeshjes, por edhe rezultatin pas çdo çereku e raportin final të ndeshjes do të mund ti gjeni si zakonisht në AsistiOnline.com

/AsistiOnline.com/