KAMPIONI I SHQIPËRISË NDAJ KAMPIONIT TË KOSOVËS DHE UNIKES

Prishtinë(AsistiOnline) – Xhiro e tretë e Ligës Unike mbyllet sonte me një super-ndeshje.

Kampionët e Shqipërisë dhe të Kosovës ndeshen sonte në Durrës në duelin e fundit të xhiros 3 e cila me dy ndeshjet e para ishte shumë interesante.

Teuta e Durrësit që ka një fitore e një humbje sonte do të synojë fitoren e dytë në Unike, ndërsa kampioni aktual i Unikes, por edhe i Kosovës, Ylli do të tentojë fitimin e sfidës së tretë sivjet në këtë garë.

Të kujtojmë se Teuta dhe Ylli janë ndeshur sivjet edhe në gjysmëfinale të Superkupës Mbarëkombëtare, ku kishte triumfuar Ylli 73-89.

Kjo super-përballje fillon sonte nga ora 19:00 dhe transmetohet në RTSH.

Si zakonisht të rejat para dhe pas ndeshjes, pesëshet startuese, rezultatin pas çdo çereku, por edhe raportin final të sfidës do të mund ti gjeni në portalin e vetëm në shqiptari, dedikuar ekskluzivisht basketbollit, AsistiOnline.com

/AsistiOnline.com/