VËLLAZNIMI I PANDALSHËM, PA TELASHE EDHE NDAJ ISTOGUT

Prishtinë(AsistiOnline) – Skuadra e Vëllaznimit e ka vazhduar formën perfekte sivjet në Ligën e parë edhe ndaj Istogut.

Ekipi gjakovar triumfoi në cilësinë e mysafirit ndaj istogave 68-84.

Atik Koshi tregoi performancë fenomenale në këtë fitore të gjakovarëve sonte me 23 pikë, 8 kërcime e 6 asiste, ndihmuar edhe nga Bardh Rexha me double-double(18pk, 16krc), Besnik Azemi poashtu me double-double(17pk, 14krc) dhe Ujkan Karanezi që shtoi 14 pikë.

Te Istogu pikë dyshifrore arritën vetëm Orges Shatri që kishte 16 pikë dhe poashtu 10 kërcime e Dardan Maxharraj që kishte 12 pikë.

Edhe pas xhiros së 8-të, Vëllaznimi vazhdon të mbetet ekipi i vetëm i pamposhtur në Ligën e parë me maksimumin e pikëve(16), derisa Istogu gjendet i 2-ti me 13 pikë, 5 fitore e 3 humbje.

Në javën e ardhshme, Vëllaznimi luan ndaj Feronikelit e Istogu i shkon New Basketit.

/AsistiOnline.com/