EKSKLUZIVE: YLLI ANGAZHON NË PROVA KËTË ALO-QENDËR AMERIKANE

Prishtinë(AsistiOnline) – Golden Eagle Ylli është afër kompletimit të marrëveshjes me një alo-qendër amerikane.

AsistiOnline.com ka mësuar ekskluzivisht se skuadra therandase është afër nënshkrimit me alo qendrën amerikane, AJ Sumbry.

Basketbollisti në fjalë është i gjatë 203 centimetra dhe luan në pozitat 4/5, derisa te Ylli vije pas përvojës së fundit me KK Angelin në elitën e Maqedonisë, ku luajti si startues me mesatare prej 11.3 pikëve e 8.3 kërcimeve për ndeshje.

Sumbry përpos Maqedonisë, ka luajtur edhe në Danimarkë (Wolfpack) dhe Gjeorgji (Cactus Tbilisi), derisa në SHBA ishte paraqitur me kolegjin nga NCAA1 ”Wagner”.

AsistiOnline.com ka mësuar poashtu se lojtari në fjalë gjendet me therandasit në përgatitjet e tyre që po i zhvillojnë në Durrës e vendimin final nëse do të qëndrojë ose jo, pritet ta marrë kryetrajneri, Adis Beqiragiq.

/AsistiOnline.com/