EKSKLUZIVE: YLLI ME PLEJMEJKER NGA NBA-G LEAGUE

Prishtinë(AsistiOnline) – Pavarësisht formës së lartë të cilën po e kalon skuadra e Yllit në stinorin pranveror, drejtuesit e klubit duket se nuk ‘ngopen’ me rosterin aktual dhe synojnë shtimin e lojtarëve të rinjë.

AsistiOnline.com ka mësuar ekskluzivisht se therandasit tashmë kanë arritur marrëveshje me një plejmejker amerikan i cili ka përvojë të konsiderueshme si lojtar.

Shannon Bogues është emri i lojtarit i cili ka arritur marrëveshje me Yllin dhe nga këta të fundit pritet të prezantohet shpejtë si transferi më i ri i tyre.

Bogues është i gjatë 190 centimetra dhe luan në pozitën 1, derisa fillimisht kishte luajtur në kolegjin nga NCAA1 ”Austin State”.

Në edicionin aktual, deri tani ai ka qenë pjesë e skuadrës nga NBA-G League ”Capital City”, klub ky i cili është ”si-motër” e skuadrës nga NBA, Washington Wizards dhe për bashkëlojtarë sivjet ka pasur shumë lojtarë të kësaj të fundit.

Te Capital City, Bogues në 22 ndeshje ka pasur mesatare prej 3.1 pikëve e 1.4 kërcimeve për ndeshje.

Përpos SHBA-ve, Bogues ka karrierë edhe në Evropë me Chemnitzin në Bundesligën e Gjermanisë dhe GTK Gliwicen në elitën polake, ku ka treguar performanca fenomenale.

/AsistiOnline.com/