YLLI I PAFAT ME TË HUAJT, DËSHTON LOJTARI NGA NBA G LEAGUE!

Prishtinë(AsistiOnline) – Kampioni dhe lideri aktual i elitës kosovare dhe Ligës Unike, Golden Eagle Ylli sivjet nuk është duke u bërë fare rehat me lojtarët e huaj.

Ditë më parë, AsistiOnline.com kishte raportuar ekskluzivisht për arritjen e marrëveshjes me yllit dhe lojtarit amerikan, Shannon Bogues, por ky i fundit megjithë insistimin e therandasve nuk do të jetë pjesë e tyre.

Bogues që luan në pozitat fundore, sipas informacioneve që ka AsistiOnline.com nuk do bëhet pjesë e Ylliut edhe pse në parim palët kishin arritur marrëveshje, por skuadra e tij në NBA G League ”Capital City” nuk ka pranuar ta lirojë nga rosteri dhe kësisoj tash Ylli është fokusuar në një transfer tjetër.

Mbetet të shihet gjatë ditëve në vijim se cili do jetë reagimi i Yllit në merkato.

Të kujtojmë se te Ylli ditë më parë dështoi edhe transferi i qendrës së huaj, Makol Mawien.

/AsistiOnline.com/