NEW BASKETI FITON TROFEUN E PARË NË HISTORI TË KLUBIT

Prishtinë(AsistiOnline) – New Basket është skuadra fituese e Kupës së Kosovës në Ligën e parë te meshkujt për vitin 2022.

Ekipi prizrenas e ka mposhtur Istogun në finalen e zhvilluar në ”Karagaç” të Pejës me rezultatin final 69-72

Rrjedha e ndeshjes ishte goxha interesante me Istogun që e nisi më mirë, duke e fituar çerekun e parë 24-19, derisa i dyti i takoi New Basketit 16-24 dhe këta të fundit shkuan në pushim me avantazh 40-43.

Në pjesën e dytë, vazhdoi loja e ngushtë me Istogun që fitoi ngushtë çerekun e tretë 16-15, derisa perioda e fundit foli në favorin e New Basketit poashtu ngushtë, por që i shërbeu ta fitojë duelin me vlerë të madhe.

Amerikani, Jordan Robinson shkëleqy në këtë fitore me vlerë trofeu te New Basketi sot me 23 pikë, 13 kërcime 8 asiste dhe 3 vjedhje topash, derisa u dalluan edhe Hajriz Hazeri me 12 pikë dhe Egzon Kuqi me 11 sosh.

Te Istogu nuk mjaftuan kurrsesi për fitore, Shendrit Llapi e Sam Taylor me nga 17 pikë secili.

/AsistiOnline.com/