VIDEO LAJM: KOMPLET ASISTI 484

Adhurues të basketbollit,

ASISTIONLINE ju sjell edhe një episod të veçantë të emisionit të vetëm në shqiptari që i dedikohet ekskluzivisht basketbollit.

ASISTI 484 ka në fokus ndeshjen parakualifikuese për Eurobasketin 2025 të zhvilluar në palestrën “Minatori” mes Kosovës dhe Norvegjisë ku Kosova, ndonëse pati epërsi deri në 17 pikë, në pjesën e parë e humbi këtë duel të rëndësishëm.

• Si erdhi deri te kjo humbje?
• Çka shkoi gabim?
• Kush ishin lojtarët më të mirë dhe cili prej yjeve zhgënjeu?
• Pse mbrojtja e Kosovës nuk funksionoi në pjesën e dytë dhe nuk arriti ta ndalë Heraldt Freyin?

Këto dhe shumë të tjera mund t’i mësoni nga analiza e ASISTIT dhe biseda ekskluzive me tandemin e Kosovës, Dardan Berishën dhe Drilon Hajrizin.

Po ashtu, ASISTI sjell edhe përmbledhjen e ndeshjeve parakualifikuese të Shqipërisë.

Në kuadër të rubrikës unike, “Shqiptarët në Botë”, flasim për Edon Maxhunin dhe Finlandën e cila fitoi duelin kualifikues për Botërorin 2023 ndaj Sllovenisë edhe pse Edoni që ishte vendimtar në fitoren ndaj Kroacisë muaj më parë, nuk luajti pasi në prag të përballjes me sllovenë doli pozitiv me COVID 19. Për këtë dhe ndeshjen, vet Edon Maxhuni flet ekskluzivisht për ASIST kurse lajmi i mirë vjen edhe nga Turqia ku Kenan Spahiu kthehet në kombëtare pas një pauze të gjatë.

Gjitha këto dhe shumë më tepër në ASISTIN 484.

KËNAQUNI NË VAZHDIM DHE NATYRISHT: ZEMRAT TUAJA LE  T’ I NGROH DASHURIA PËR BASKETBOLL.