Prishtinë(AsistiOnline) – Daniel Lekndreaj sivjet pritet të ndërrojë ambient për të luajtur.
Basketbollisti nga Shkodra që stinorin e kaluar u pajis me pasaportë të Kosovës, ka arritur marrëveshje me skuadrën e Bashkimit dhe siç ka mësuar AsistiOnline.com ekskluzivisht, Lekndreaj është paraqitur në listën e transfereve nga ekipi portokallinjë.
Lekndreaj edicionin e kaluar u paraqit me Pejën dhe ishte prej lojtarëve kryesor të ekipit verdhezi, por klubi pejan sivjet vazhdimisht e ka kontestuar transferin e tij te Bashkimi me arsyetimin se ai ka ende kontratë valide me verdhezinjët.
Sipas burimeve të AsistiOnline.com, Bashkimi ishte i gatshëm që të paguajë edhe një shumë financiare prej 5-6 mijë eurove në xhirollogarinë e Pejës, por këta të fundit synonin më shumë dhe kësisoj pagesa financiare dështoi.
Sido që të jetë, Lekndreaj tashmë gjendet në listën e transfereve zyrtare te Bashkimi dhe ka pak gjasa që kjo të ndryshojë, pasiqë edhe vet lojtari ka konfirmuar largimin nga Peja.
Reprezentuesi i rregullt i Shqipërisë në Kosovë ka luajtur edhe te Sigal Prishtina dhe njihet për karakterin e tij unik dhe luftarak në parket, sidomos për kërcime, por edhe shënim të pikëve.
https://skyblue-caribou-270219.hostingersite.com/2022/07/24/lekndreaj-njofton-per-largim-ka-disa-ankesa-inidrekte-per-klubin/
/AsistiOnline.com/
