Kampioni synon t’ia bëj ‘sefte’, Vëllaznimi kërkon fitoren e dytë

Prishtinë(AsistiOnline) – Një duel tejet interesant na pret edhe në ndeshjen e fundit të xhiros së pestë në basketbollin e Kosovës.

Bëhet fjalë për sfidën mes Golden Eagle Yllit dhe Vëllaznimit.

Në fakt, këto dy ekipe sivjet nuk e kanë nisur ashtu si kanë dashur dhe sot do të tentojnë të marrin fitoren me çdo kusht sportiv.

Ylli si kampion aktual ka 4 humbje nga 4 ndeshje e fitorja bëhet imperativ i pashlyer sonte për këtë ekip, gjersa Vëllaznimi deri tani ka vetëm 1 fitore dhe 3 humbje, e për të rikthyer vetëbesimin e synon fitoren gjithsesi.

Dueli nis nga ora 17:00 dhe transmetohet në kanalin e sportit, KSport 1 në të gjitha platformat televizive në vend.

Si zakonisht, më të rejat para ndeshjes, rezultatin çerek pas çereku, por edhe raportet finale të dueleve, mund ti gjeni në portalin e vetëm në shqiptari dedikuar ekskluzivisht basketbollit – AsistiOnline.com