Përballje shumë e fortë edhe në Suharekë, takohen Ylli dhe Bashkimi

Prishtinë(AsistiOnline) – Njëra prej përballjeve më të forta të xhiros dhe e fundit për këtë javë luhet në Suharekë.

Kampioni aktual i vendit, Golden Eagle Ylli do të jetë nikoqir i rivalit regjional, Bashkimit të Prizrenit në palestrën ”13 Qershori”.

Të dyja ekipet momentalisht kanë nga 2 fitore dhe nga 4 humbje e për të arritur fitoren e tretë, normalisht që sonte do të japin maksimumin.

Mbetet të shihet se kush do të triumfojë në këtë duel i cili fillon nga ora 19:00 dhe transmetohet direkt në KSport1 në të gjitha platformat vendore.

Si zakonisht, më të rejat para ndeshjes, rezultatin çerek pas çereku, por edhe raportet finale të dueleve, mund ti gjeni në portalin e vetëm në shqiptari dedikuar ekskluzivisht basketbollit – AsistiOnline.com