TORONTO FANTASTIKE, ARRIJNË FINALEN E MADHE

Prishtinë (AsistiOnline) – Toronto Raptors ka arritur senzancion në finalen e Konferencës Lindore, duke e mposhtur Milwaukee Bucks edhe në ndeshjen e katërt rresht.

Po e quajmë senzacion, sepse Bucks në fillim të serisë kishte avantazh 2-0 me fitore, por më pas Raptors ndezën ‘’turbinat’’ dhe me katër fitore rresht arritën finalen e madhe të NBA-së.

Sa i përket ndeshjes së mbrëmshme, Bucks e kontrolluan vetëm periodën e parë të ndeshjes dhe komplet pjesën e mbetur e kontrolloi Toronto që në fund arriti fitore të madhe me shifrat 100-94.

Për këtë fitore të Torontos më të spikaturit ishin, I zakonshmi Kawhi Leonard me dyshifrorë të dyfishtë(27pk, 17krc), Pascal Siakam me 18 pikë si dhe Kyle Lowry me 17 pikë.

Tek Milwaukee s’mjaftoi për fitore, double, double i Giannis Antetokunmpos(21pk, 11krc), si dhe 18 sosh të Brook Lopez.

Kjo fitore e dërgon Toronton në finalen e përgjithshme të NBA-së, ku do të ndeshet me finalistin tjetër, Golden State Warriors.

Seria finale në mes të, Toronto Raptors dhe Golden State Warriors nis më 1 Qershor dhe përparësinë e terenit vendas e ka skuadra kanadeze.

Ekipi i parë që arrin katër fitore, shpallet kampion i NBA-së.