Gëzim Morina mbetet te Ylli

Prishtinë(AsistiOnline) – Kapiteni i Golden Eagle Yllit, Gëzim Morina do të mbetet pjesë e therandasve edhe për një edicion.

AsistiOnline.com ka mësuar se Morina është pajtuar me drejtuesit e klubit, që të mbetet në ekip së paku edhe për një edicion.

Morina ka qenë pjesë e Golden Eagle Yllit në dy edicionet e fundit dhe historike, ku klubi fitoi dy herë titullin e kampionit të Kosovës, një herë titullin e Ligës Unike dhe një herë Superkupën e Ligës Unike.

30 vjeçari në të kaluarën ka luajtur edhe në Slloveni për ekipe si: Union Olimpija, LTHcast Mercator, Hopsi Polzela, Helios Suns, Primorska, Sencur, si dhe në Kosovë për Prishtinën.

/AsistiOnline.com/