Ponte Prizreni njofton se ka rikthyer Ivan Koljeviqin

Prishtinë(AsistiOnline) – Ponte Prizreni ka njoftuar para pak minutash për transferin e radhës në skuadër.

Skuadra bardhezi ka prezantuar Ivan Koljeviqin si transfer të ri, emër ky që edhe në të kaluarën ka qenë pjesë e tyre.

Përpos Ponte Prizrenit, Koljeviq ka luajtur edhe Trepçë, Rahovec e Pejë.

“Njëri nga fundorët më të mirë që ka zbarkuar në Kosovë, Ivan Koljevic nga sot zyrtarisht është pjesë e KB Ponte Prizreni. Koljevic i njohur në basketbollin e Kosovës 2 edicione të kaluara ishte pjesë e skuadrës ndërsa ka luajtur edhe për Trepçën, Rahovecin e Pejën. Në sezonin e kaluar Koljevic luajti mesatarisht me 15 pikë ,7 asistime e 5 kërcime”, shkruan njoftimi i ekipit prizrenas. /AsistiOnline.com