Bashkimi sot pa Umipigin

Prishtinë(AsistiOnline) – Bashkimi sonte luan ndeshjen e kthimit ndaj Golden Eagle Yllit në çerekfinale të play off-it të Superligës së Kosovës.

Prizrenasit sonte do ta vuajnë mungesën e amerikanit Isiah Umipig i cili ishte lënduar në ndeshjen e parë në tendinën e ”akilit”.

Faqja zyrtare e klubit ka njoftuar se lëndimi i Umipig kërkon intervenim kirurgjik dhe tashmë lojtari ka humbur sezonin.

Për lëndime të tjera tek të dyja ekipet nuk raportohet.

Sfida fillon nga ora 18:00 dhe transmetohet direkt në Artsport apo KSport.