Maxhuni bashkëlojtar me reprezentuesin e Kosovës
Prishtinë(AsistiOnline) – Ditën e sotme Edon Maxhuni u prezantua si lojtar i ekipit të njohur francez, Strasbourg.
Lojtari që luan për Kombëtaren e Finlandës por ka prejardhje nga Kosova, tek Strasbourg do ta gjejë edhe ”reprezentuesin” e Kosovës që poashtu u transferua sivjet aty, Dominic Artis.
Maxhuni dhe Artis do të luajnë së bashku te skuadra franceze me Edonin që edicionin e kaluar luajti po në Francë, por me Le Portel e Dominic ishte pjesë e ekipit turk të Çagdas Bodrumspor, derisa para dy sezoneve ishte pjesë e ekipit tjetër francez, Cholet.
Artis u natyralizua në vitin e kaluar nga Kosova në parakualifikimet për Eurobasket 2025, por që ekipi ynë kombëtar nuk arriti synimin duke u eliminuar pas humbjes nga Danimarka në Prizren.
Në 4 ndeshje me Kosovën, Artis luajti me mesatare prej 18.8 pikëve, 4 asiste e 3.8 kërcime për ndeshje.
Vlen të ceket se në dritaren e parë të parakualifikimeve për Botërorin 2027, Artis edhe pse kishte ftesë nuk erdhi te Kosova me arsyetimin lëndimin.
/AsistiOnline.com/
Maxhuni shuan shpresat e ekipeve kosovare, nënshkruan dy vjet me ekipin francez
Komentet janë të mbyllura.