Malvina Haziri i bashkohet Asterës, transferohet tek kolegji i njejtë në SHBA

Prishtinë(AsistiOnline) – Edhe një lojtare tjetër nga Kosova është transferuar në Shtetet e Bashkuara të Amerikës.

Bëhet fjalë për super talenten e Përfaqësueses së Kosovës Malvina Haziri e cila është bërë pjesë e kolegjit amerikan nga NCAA1, Washingon State Cougars, aty ku luan prej dy vitesh edhe basketbollistja tjetër kosovare. Astera Tuhina.

Lajmin e ka bërë të ditur faqja zyrtare e kolegjit amerikan, që ka theksuar se tjetër lojtare nga Kosova ju është bashkuar atyre.

Malvina cilësohet si një lojtare me shumë të ardhme e dalur nga basketbolli kosovar, derisa deri tani ishte pjesë e KBF Prishtinës e hapat e parë i kishte marrë tek KBF Vushtrria.

Prej vitesh Haziri paraqitet me grupmoshat e reja të Kosovës, por ka luajtur edhe me Përfaqësuesen A të Kosovës.

/AsistiOnline.com/