Sonte luhet El Clasico në gjysmëfinale të Kupës

Gjysmëfinalet e Kupës së Kosovës që nisin sot, do të dhurojnë spektakël të basketbollit, ku katër skuadra duan kualifikimin në finalen e madhe.

Gjysmëfinalet do të zhvillohen me sistemin vajtje-ardhje dhe kush është më e mirë në dy takimet, kualifikohet në finale.

Gjysmëfinalja e parë sonte dhe do të zhvillohet mes skuadrave rivale, Sigal Prishtinës dhe Trepçës, ku pritet një super sfidë në Palestrën “1 Tetori”.

Dy skuadrat kanë traditë në basketbollin e Kosovës dhe do të luftojnë për fitoren në ndeshjen e parë, që është shumë e rëndësishme. Prishtinasit në çerekfinale eliminuan Pejën, derisa mitrovicasit skuadrën e Proton Cable Prizrenit. Në Superligë të dy skuadrat kanë nga një fitore ndaj njëra-tjetrës.

Ndeshja nis nga ora 19:00 dhe transmetohet direkt në Sport1.