XHIRO E 11-TË, MBYLLET SOT ME DY NDESHJE SHUMË INTERESANTE

Prishtinë(AsistiOnline) – Xhiro e 11-të në Superligën e Kosovës në Basketboll, mbyllet sonte me dy sfida shumë interesante.

Rahoveci me fillim nga ora 17:00, do të ndeshet me Feronikelin, skuadrën që ia ka shkaktuar humbjen e vetme në këtë edicion. Vreshtarët janë liderë me tetë fitore dhe një humbje, kurse skuadra nga Drenasi ka tri fitore dhe gjashtë humbje.

Xhiroja e 11-të përmbyllet me sfidën shumë interesante mes Ponte Prizrenit dhe Sigal Prishtinës, që janë renditur në vendin e tretë, përkatësisht të katërt. Ponte Prizreni ka pesë fitore dhe katër humbje, kurse Prishtina ka pesë fitore dhe tri humbje.

Si zakonisht ndeshjet transmetohen në Platformën më atraktive në vendin tonë “Art Motion”.

Superliga – Java 11

E shtunë

17:00 Rahoveci – Feronikeli

19:00 Ponte Prizreni – Sigal Prishtina