KAMPIONI VAZHDON KËNDELLJEN, PA TELASHE NDAJ DRITËS

Prishtinë(AsistiOnline) – Golden Eagle Ylli e ka arritur fitoren e dytë rresht në ArtMotion Superligën e Kosovës.

Kampioni aktual i Kosovës ka triumfuar pa telashe ndaj Dritës me rezultat të thellë 71-106.

Ishte kjo një ndeshje pa historik me Yllin që fitoi pothuajse të gjitha periodat përpos të fundës që e humbi minimalisht e nuk ndikoi asgjë në rezultat(8-28, 19-21, 14-28, 30-29) dhe fitorja ishte e pashmangshme.

Gëzim Morina arriti shifra fantastike në fitoren e Yllit sonte(triple-double, 23 pikë, 15 kërcime e 10 asiste), derisa u dalluan edhe Barret Benson me 31 pikë e 12 kërcime, Brandon Randolph me 16 pikë, 15 kërcime e 7 asiste, Mikaile Tmusiq që shtoi 15 pikë e Ardit Pepaj që e mbylli duelin me 10 pikë.

Te Drita lojë të mirë shfaqën, Marcus Myers me plotë 36 pikë, si dhe Bardh Jakupi e Arian Mehmeti me nga 10 pikë.

Në xhiron e gjashtë, Drita e pret Pejën e Ylli e zhvillon derbin ndaj Rahovecit.

/AsistiOnline.com/