WENDELL MITCHELL TE KORMENDI NË HUNGARI, BASHKOHET ME NJË ISH-TRAJNER TË PRISHTINËS

Prishtinë(AsistiOnline) – Ish-lojtari i Sigal Prishtinës në stinorin e fundit, Wendell Mitchell ka gjetur skuadër të re për edicionin që po vjen.

Fundori amerikan është transferuar te kampioni i shumëfishtë i Hungarisë, Kormend.

Mitchell te kjo skuadër e gjen ish-trajnerin e Sigal Prishtinës, Antonis Constantinides i cili e ka vazhduar kontratën me ekipin e Kormendit për të qenë në krye të tyre edhe për një stinor.

25 vjeçari te Prishtina luajti me mesatare prej 14.4 pikëve, 5.3 kërcimeve e 3.5 asisteve.

Kormendi është nën-kampion aktual i Hungarisë, derisa sivjet luan edhe në Ligën e Kampionëve.

/AsistiOnline.com/