BASHKIMI BËN LËVIZJEN E PARË TË BUJSHME, TRANSFERON FISNIK RUGOVËN

Prishtinë(AsistiOnline) – Fisnik Rugova është bërë me skuadër të re për edicionin që po vjen.

Basketbollisti prishtinas që gjatë ditës së djeshme konfirmoi ndarjen me Rahovecin, tashmë ka gjetur skuadrën e re.

Sipas informacioneve që posedon AsistiOnline.com, Rugova është transferuar te skuadra e Bashkimit, gjersa prezantimi pritet të ndodhë gjatë ditëve në vijim.

Fisi edicionin që lamë pas, ishte prej individëve kryesorë te Rahoveci me mesatare prej 12.8 pikë, 7.7 kërcime e 3.3 asiste.

Të kujtojmë se në të kaluarën, Rugova ka luajtur edhe te Prishtina e Peja, madje kjo e fundit edhe sivjet ishte në biseda të avancuara me të, por një ujdi e tillë nuk u arrit.

/AsistiOnline.com/