Çerekfinalet e sotme nisin me duelin mes Trepçës e Rahovecit

Prishtinë(AsistiOnline) – Sot do të vazhdojnë të luhen çerekfinalet e dyta të Superkupës së Kosovës.

Dueli i parë i ditës zhvillohet mes Trepçës dhe Rahovecit, dy skuadra që sot kërkojnë fitoren për të depërtuar në gjysmëfinale të kësaj gare të rëndësishme.

Në Superligë, të dyja takimet e sivjetme i ka fituar Trepça, por kjo nuk do të thotë se Rahoveci do të heq dorë lehtë nga fitorja, andaj sfida pritet të jetë tejet interesante.

Dueli i sotëm mes mitrovicasve dhe rahovecianëve, starton nga ora 17:00 dhe transmetohet direkt në Sport1.

Për çdo risi para ndeshjes, rezultatin pas çdo çereku dhe raportin final, si zakonisht mund të informoheni te vendi – AsistiOnline.com