Konfirmohet lajmi i ASIST-it, Ahmet Kandemir merr drejtimin e Prishtinës
Prishtinë(AsistiOnline) – Skuadra më e trofeshme kosovare e basketbollit, Sigal Prishtina e ka rikthyer në krye të shtabit teknik, trajnerin turk Ahmet Kandemir.
AsistiOnline.com ditë më parë kishte paralajmëruar se marrëveshja mes prishtinasve dhe Kandemirit është vetëm çështje kohe e saktësisht ashtu edhe ndodhi.
Klubi kryeqytetas çaste më parë njoftoi se trajneri i mirënjohur turk, rikthehet në kryeqytet, por tani me ambicie të reja dhe energji të freskëta.
Njoftimi i plotë dhe pa ndërhyrje i KB Prishtinës:
AHMET KANDEMİR RIKTHEHET NË SHTËPINË E KAMPIONËVE
Trajneri i mirënjohur turk Ahmet Kandemir rikthehet në kryeqytet, tani me ambicie të reja dhe energji të freskëta. Nën drejtimin e tij kemi fituar njërin nga trofetë më të rëndësishëm në historinë e klubit, Kupën e Kosovës në Prizren në vitin 2013. Kandemir ka drejtuar klubet e njohura turke: Beşiktaş JK, Pınar Karşıyaka, Mersin BB, Antalya BB.
/AsistiOnline.com/
Komentet janë të mbyllura.