NATË INTERESANTE NË EUROLIGË, FITOJNË KRYESISHT FAVORITËT

Prishtinë(AsistiOnline) – Natën e sontme ka nisur të zhvillohet edhe raundi i 6-të i stinorit të ri në ligën më të fortë të basketbollit në Evropë, ku fitore kryesisht kanë arritur favoritët.

Në ndeshjen e parë, CSKA Moska ka triumfuar ndaj Valencias me rezultat, 84-75, si vendase në Rusi.

Ndërsa, Zalgiris Kaunas është rikthyer tek fitore, duke triumfuar në udhëtim tek Lyoni me shifrat e përgjithshme të ndeshjes, 74-83 dhe kështu vazhdon ta mbajë kreun e tabelës në Euroligë.

E tek fitoret në këtë xhiro, është rikthyer edhe gjiganti turk, Fenerbahçe që poashtu ka triumfuar në udhëtim tek Maccabi Tel Aviv me rezultat, 65-75.

Dhe në përballjen e fundit, Real Madridi më në fund e ka arritur një fitore të thellë, duke e mundur Bayernin e Mynihut, 100-82.

Nesër zhvillohet edhe katër ndeshjet e fundit të xhiros, ku na presin takime tejet interesante.

/AsistiOnline.com/