BASHKIMI ARRIN FITOREN E DYTË RRESHT NË UNIKEN E FEMRAVE
Prishtinë(AsistiOnline) – KBF Bashkimi e ka arritur fitoren e dytë rresht në Ligën Unike të basketbollit për femra mes Shqipërisë dhe Kosovës.
Vashat prizrenase kanë triumfuar në udhëtim te Tirana me rezultat tejet të thellë 49-81.
Ishte kjo një fitore e lehtë për ekipin prizrenas(10-29, 15-26, 18-15, 6-11) që e kontrolloi duelin nga fillimi e deri në fund dhe arriti triumf pa ndonjë telashe.
Katër basketbolliste arritën pikë dyshifrore në triumfin e Bashkimit sonte, Christina Ellis(29), Irma Konjusha(18), Janelle Porter(12) dhe Besjana Martinaj(10).
Te Tirana u dalluan, Mirela Lugaj me 16 pikë, Enisa Qosja me 13 e Klea Verri me 10 sosh.
Pas xhiros së dytë, KBF Bashkimi në këtë garë ka 2 fitore nga 2 ndeshje dhe gjendet i pari në tabelë, derisa Tirana mbetet e fundit me 2 humbje nga 2 ndeshje të luajtura.
Në xhiron e ardhshme, Bashkimi e luan derbin ndaj Prishtinës e Tirana i shkon Flamurtarit.
/AsistiOnline.com/
Komentet janë të mbyllura.