FBK-JA HAP KONKURS PËR ORGANIZIMIN E ”F8” TË KUPËS SË KOSOVËS

Prishtinë(AsistiOnline) – Gjatë ditës së djeshme FBK-ja ka njoftuar se është mbledhur bordi i saj për të marrë disa vendime në prag të fundvitit.

Një prej tyre ka qenë edhe hapja e konkursit për klubet e interesuara që të organizojnë ”Final Eight”-in e Kupës së Kosovës që mbahet në shkurt të vitit 2022.

”Bordi i Federatës së Basketbollit të Kosovës (FBK) në mbledhjen e mbajtur më 23.12.2021 në Prishtinë (të fundit për këtë vit) e ka përmbledhur vitin që po e lëmë pas dhe ka diskutuar për projektet e vitit të ardhshëm në FBK dhe ndër të tjera ka vendosur të hap konkursin për organizimin e FINAL 8 Kupës së Kosovës 2022 prej 3 deri më 13 Janar 2022”, thuhet në njoftim.

Mbetet të shihet ditëve në vijim se cila do jetë skuadra që do e fitojë të drejtën e këtij organizimi.

/AsistiOnline.com/