DERBI I REGJIONIT TË PRIZRENIT SONTE NË THERANDË

Prishtinë(AsistiOnline) – Dueli më interesant i ditës së parë nga xhiro e 16-të e ArtMotion Superligës, pritet të zhvillohet në Therandë.

Derbi i njohur si ”04” mes skuadrave nga Theranda dhe Prizreni, do të zhvillohet mes Yllit dhe Bashkimit në Palestrën ”13 Qershori”.

Therandasit kanë 11 fitore dhe katër humbje, ndërsa prizrenasit tetë fitore dhe shtatë humbje. Kampionët shihen favoritë në këtë përballje, kurse mysafirët nuk udhëtojnë me flamur të bardhë dhe do të mundohen të rikthehen me rezultat pozitiv nga Theranda.

Sfida fillon nga ora 19:00 dhe transmetohet në Platformën Artmotion.

Si zakonisht të rejat para dhe pas ndeshjes, pesëshet startuese, rezultatin, por edhe raportin final të sfidës do të mund ti gjeni në portalin e vetëm në shqiptari, dedikuar ekskluzivisht basketbollit, AsistiOnline.com

/AsistiOnline.com/