EKSKLUZIVE: ÇËSHTJE E KRYER – FINAL FOURI I LIGËS UNIKE MBAHET NË PEJË

Prishtinë(AsistiOnline) – Pak ditë kanë mbetur deri te fillimi i ”Final Four”-it të Ligës Unike për meshkujt.

Ky event prestigjioz i basketbollit mbarëshqiptar pritet të organizohet me datat 20-21 prill, derisa zyrtarisht ende nuk është caktuar lokacioni për zhvillimin e ndeshjeve.

AsistiOnline.com ka mësuar ekskluzivisht se deri tani vetëm një skuadër ka aplikuar për organizimin e kësaj gare dhe ajo është KB Peja e cila edhe pritet ta fitojë këtë të drejtë.

Të kujtojmë se çiftet gjysmëfinale të garës janë, Golden Eagle Ylli – Teuta dhe Peja – Prizreni 16.

Javë më parë u mbyll Final Fouri i Ligës Unike te Femrat nën-organizimin e KBF Prishtinës dhe pikërisht ky ekip e fitoi titullin e parë dhe historik në këtë konkurencë debutuese të Unikes.

/AsistiOnline.com/