Sfida përmbyllëse e xhiros mes Bashkimit dhe Rahovecit

Prishtinë(AsistiOnline) – Xhiro e 19-të e Superligës së Kosovës te meshkujt mbyllet sonte në Therandë.

Bashkimi i Prizrenit që po kalon në top formë në xhirot e fundit e pret në Therandë, skuadrën e rrezikuar për të rënë nga liga, Rahovecin që së fundmi ka reaguar me ardhje të reja dhe pret këndelljen.

Deri tani, prizrenasit kanë shtatë fitore e dhjetë humbje, kurse rahovecasit dy fitore e 14 humbje e në duelet direkte të dyja ekipet kanë nga një fitore.

Kjo ndeshje fillon nga ora 19:00 dhe transmetohet direkt në KSport1 në të gjitha platformat televizive vendore etj.

Për çdo risi para e gjatë ndeshjes, rezultatin pas çdo çereku, por edhe raportin final, i gjeni në ueb-sajtin e vetëm në shqiptari, dedikuar ekskluzivisht basketbollit  – AsistiOnline.com