Refuzoi mbetjen në Kosovë, Wendell Green te skuadra e ABA Liga 1

Ish ylli i Bashkimit Wendell Green Jr është bërë me skuadër të re për stinorin që po vjen.

Fundori amerikan ka bërë hap të rëndësishëm për karrierën e tij, duke u transferuar te skuadra sllovene Ilirija e cila këtë edicion siguroi pjesëmarrjen në njërën prej garave më prestigjioze në Evropë – ABA League 1.

Green sivjet udhëhoqi Bashkimin drejt finales së madhe të basketbollit kosovar, duke qenë prej lojtarëve më të dalluar të ekipit.

Pas McKinnis edhe Green refuzon për të qëndruar në Kosovë, duke konfirmuar faktin se lojtarët e huaj Kosovën e shohin vetëm si vend tranzit për të kaluar në liga tjera të forta. /AsistiOnline.com/