PLAY OFFI I NBA-SË PRITET TË RIFILLOJË TË SHTUNËN

Prishtinë(AsistiOnline) – Ndeshjet e play off-it në NBA për vitin 2020, pritet të rifillojnë të shtunën, sipas Jonathan Feigen i cili vije nga një medium nga Houstoni.

Pas vendimit të skuadrës së Milwaukee Bucks, për të bojkotuar lojën e 5-të në play off kundër Orlando Magic, si një mënyrë për të protestuar për të shtënat me armë nga policia ndaj afrikano amerikanit Jacob Blake, liga e NBA shtyu të gjitha ndeshjet e planifikuara për ditën e mërkurë dhe të enjte, madje ishte në mëdyshje nëse stinori do të rifillojë për këtë stinor.

Me gjithë këtë lojtarët vendosën të vazhdojnë sezonin, prandaj ndeshjet e play off-it pritet të rinisin të shtunën.

Fillimisht të planifikuara për t’u zhvilluar të mërkurën, ndeshjet e serisë së parë të raundit që përfshijnë Magic-Bucks, Houston Rockets-Oklahoma City Thunder, Los Angeles Lakers-Portland Trail Blazers janë zhvendosur për të shtunën.

Ndërsa ndeshjet e planifikuara për të enjtën në mes Los Angeles Clippers-Dallas Mavericks, Utah Jazz-Denver Nuggets, si dhe Lojë e 1-rë e gjysmëfinalës së Konferencës Lindore, midis Toronto Raptors dhe Boston Celtics, do të zhvillohen të dielën.

/AsistiOnline.com/