ANTETOKOUNMPO MUNGON, POR MILWAUKEE SHKATËRRON INDIANËN

Prishtinë(AsistiOnline) – Milwaukee Bucks kanë shënuar fitore të thellë dhe të lehtë në shtëpi kundër rivalëve të lindjes, Indiana Pacers. Rezultati përfundimtar në këtë duel të luajtur në Fiserv Forum ishte: Milwaukee Bucks 140-113 Indiana Pacers.

Që nga fillimi e deri në fund kishte vetëm një skuadër në parket, me “Drerët” që dominuan në qerekët 1, 2 dhe 4 për ta fituar në fund duelin me 27 pikë epërsi, Indiana rival i denjtë u tregua vetëm në çerekun e tretë të cilin e fitoi me shtatë pikë diferencë, 34-27.

Më të mirët në këtë triumf ishin padyshim Jrue Holiday me 26 pikë e 14 asistime, por edhe Middleton me 29 pikë si dhe Connaughton me 26 sosh bënë që mungesa e “Grekut të Frikshëm” të mos ndihet fare në këtë duel.

Tani, skuadra e Milwaukeet ka 28 fitore dhe 14 disfata teksa ka hyrë në një seri të frikshmë prej shtatë fitoreve radhazi.

Rezultatet e ndeshjeve të tjera:

Sacramento 119-105 Cleveland,

Oklahoma 112-103 Minnesota,

Charlotte 100-97 Spurs,

Toronto 99-117 Houston,

Boston 126-132 Memphis,

Utah 120-95 Chicago,

Atlanta – Clippers.

/AsistiOnline.com/

https://www.youtube.com/watch?v=gcaaVbGHjDE