EKSKLUZIVE: MALCOLM ARMSTEAD TRANSFEROHET TE GOLDEN EAGLE YLLI

Prishtinë(AsistiOnline) – Malcolm Armstead është basketbollisti më i ri i Golden Eagle Yllit.

Amerikani që ka edhe nënshtetësi të Kosovës pritet të prezantohet shpejtë te dy herë kampionët e vendit tonë.

AsistiOnline.com ka mësuar se të gjitha detajet e marrëveshjes mes klubit dhe lojtarit kanë përfunduar me sukses dhe Armstead ka kaluar te therandasit.

32 vjeçari i lindur në Alamaba në të kaluarën ka luajtur edhe te Prishtina dhe Peja, gjersa ka luajtur edhe për Reprezentacionin e Kosovës si basketbollist i natyralizuar.

Përvoja e fundit e Armstead ka qenë ajo në ligën e parë të Greqisë me ekipin e Enosi Kavalas tek të cilët luajti me 12.7 pikë, 6.1 asiste e 4.7 kërcime.

Në të kaluarën, Armstead ka luajtur edhe për KRKA-në, Avtodorin, AEK-un, Istanbulin, Buyukcekmecen, Gostivarin, Fribourg-un etj.

/AsistiOnline.com/