Ekskluzive: Chris Seeley largohet nga Rahoveci

Prishtinë(AsistiOnline) – Skuadra e Rahovecit ka paralajmëruar ndryshime në roster gjatë ditëve në vijim, pas rezultateve të dobëta në gjysmësezonin e parë.

Siç ka mësuar AsistiOnline.com nga skuadra është larguar amerikani, Chris Seeley me kërkesën e tij personale dhe klubi e ka miratuar atë e rrugët janë ndarë me kërkesë të dyanshme.

Aloja 203 centimetërshe te Rahoveci ishte prej lojtarëve kryesorë me mesatare prej 16 pikë, 8.5 kërcime e 2.2 asiste për ndeshje.

Lojtari në fjalë tashmë gjendet në vendlindjen e tij në Los Angjelos të Kalifornisë.

/AsistiOnline.com/